بقلم الشاعر حسن الساعدي

من طرف **الاعصار** الأربعاء مايو 30, 2012 11:22 am

جمالك حيل كلش مو طبيعي

اوخدك حيل ناعم مو طبيعي

حبيبي اليوم شفتك مو طبيعي
كلي شبيك وشغيرك علية

قطار الباك حسنك ردة لية

اوحلوه احروف صطرك ردالية

يخايب وين رايح رد الية

خلينة نكعد ونسولف سوية

يهل تنشد علية ساعد انه

اهل غيرة وكرم ساعدي انه

اوعله حروف الشعر ساعدي انه

اشك الكاع لو تنشد علية

على صوت الضلام فنكم تشعرون

بلالم والضيم والهم مثلي تشعرون

بطلتو الشعر لو بعدكم تشعرون
اذا بعدكم سمعونة ابو ذية

سمعونة شوية يلة من شعركم

حلو كلش طويل اسود شعركم

راح ارفع لا فتة وكتب شعار الكم

احبكم للموت والحد المنية

من طرف **ندى الورد** الثلاثاء يوليو 24, 2012 9:54 am

بقلم الشاعر حسن الساعدي

بقلم الشاعر حسن الساعدي

رد: بقلم الشاعر حسن الساعدي